"என்னை அறிவீரா?? -- நன்மை தரும் கருவேலமரம்
நேற்று மரம், பெயர் குழப்பங்கள் மற்றும் வளரியல்பு பற்றி பார்த்தோம்.
🌵இரு வகையான மரங்கள் காணப்படுகிறது..
ஒன்று கருவேல மரம்:-
🌵இதனை நாட்டுக் கருவேல மரம் (அ) கருவேல மரம் (அ) வேல மரம் என்று பல பெயர்களில் அழைக்கப்படுகிறது.
🌵நாம் சொல்வது: நல்ல கருவேலம்= "நாட்டுக்" கருவேலம்!
ஆலும் "வேலும்" பல்லுக்குறுதி என்பார்களே, அந்த வேல மரம்!
🌵வேல மரம்= முட்கள் நிறைந்தது!
🌵சீமை கருவேல முள்ளே எனினும், நமது நாட்டுக் கருவேலம்= அதை விட, சற்று உயரம் குறைவே!
ஆணி வேர்கள் உடையது! வைரம் பாய்ந்த கருமை கொண்டது! செல்லரித்து உளுத்துப் போகாது!
🌵நம் வேல மரத்தின் பிஞ்சுக் கிளை/ குச்சிகளே= ஆலும் வேலும் பல்லுக்கு உறுதி!
ஆடு போன்ற மேய்ச்சல் விலங்குகளுக்கும், இதன் இலை/தழைகள் மிகவும் பிடிக்கும். பறவைகளும் வந்து அமரும்.
(சீமை கருவேல மரத்தில் இதெல்லாம் கிடையாது! வேறெந்த உயிரையும் அண்டவிடாது, தானே உறிஞ்சிக் கொள்ளும்/ கொல்லும்!)
🌵இதன் நிறம் கருமையாகவும் உறுதியாகவும் கிளைகள் வாட்டசாட்டமாகவும் முட்கள் நீளமாகவும் இருக்கும்.
🌵இது தமிழ்நாட்டு விவசாயிகளின் இணைபிரியாத பாரம்பரிய மரம்.
🌵விவசாயக் கருவிகள் அனைத்தும் இதைக்கொண்டுதான் செய்தார்கள்.
🌵இந்தமரம் இல்லாத ஒரு விவசாயத்தைப் பற்றி முன்னர் நினைத்தே பார்த்திருக்க முடியாது! அவ்வளவு அவசியமான மரமாகும்.
இரண்டாவது வெள்வேலமரம்:-
🌵இதன் நிறம் வெண்மை கலந்த மஞ்சள் நிறமாகவும் கிளைகள் குட்டையாகவும் நெருக்கமாகவும் முட்கள் குட்டையாகவும் இருக்கும்.
🌵இதன் பயன்கள் கருவேலமரம் அளவு இல்லாவிட்டாலும் இதுவும் தமிழ்நாட்டு விவசாயிகளின் பாரம்பரிய மரம் ஆகும்.
🌵இந்த மரத்தின் மையப்பகுதி சாமான்கள் செய்யவும் பட்டைகள் சாராயம் காய்ச்சவும் பயன்படும்.
🌵இலையும் காய்களும் வெள்ளாடுகளுக்கு நல்ல உணவாகும்.
நாளை கருவேல மரத்தின் பயன்பாடுகள் பற்றி பார்ப்போம்.
எழுத்து
#த.முகேஷ்
No comments:
Post a Comment